२ श्रावण २०८२, शुक्रबार
काठमाडौँ। नेपाली काँग्रेसका सभापति शेरबहादुर देउवाले आदिवासी जनजातिहरुलाई बढी भन्दा बढी पार्टीमा आवद्ध गराउनुपर्ने बताएका छन् ।
शुक्रवार पार्टी केन्द्रिय कार्यालय सानेपामा आयोजित कार्यक्रमलाई सम्बोधन गर्दै उनले यस्तो बताएका हुन् । उनले नेपाल सबै जातजातिको देश भएको र अझै यसलाई सुन्दर बनाउनुपर्ने बताए । उनले नेपालको मौलिकता भनेकै बहुलजाति भाषा, धर्म, संस्कृति रहेको बताए । उनले नेपालको पहिचान र संस्कृति जोगाउन आदिवासी जनजातिहरुको भुमिका महत्वपूर्ण रहेको बताए । आदिवासी जनजातिहरुको लागि काँग्रेसले गर्नुपर्ने आवश्यक सहयोग गर्न काँग्रेस तयार रहेको बताए ।
उनले भने, ‘यो सबै जातजातिको देश हो । यसलाई अझै सुन्दर बनाउनुपर्छ । यो हाम्रो मौलिकता हो । हाम्रले देशको पहिचान हो । आदिवासी जनजातिहरुले पहिचान जोगाउन महत्वपूर्ण छ । पहिचानसहितको राष्ट्र हो यो । नेपालका सम्पूर्ण आदिवासी जनजातिलाई बढी भन्दा बढी नेपाली काँग्रेसमा आवद्ध गराउनु होला । यो आग्रह गर्न चाहन्छु । यसका लागि नेपाली काँग्रेसले के गर्नुपर्छ त्यो सहयोग गर्नेछ ।’
सभापति देउवाले नेपाल सुन्दर देश भएको बताए । आदिवासी जनजातिहरुले नेपालको पहिचान जोगाउने काममा ठूलो महत्व पुयाएको बताए ।
प्रकाशित मिति: २ श्रावण २०८२, शुक्रबार
