२ श्रावण २०८२, शुक्रबार
काठमाडौँ। नेपाली काँग्रेसका सांसद शंकर भण्डारीले विकास कुनैपनि नाममा अवरोध हुन नहुने बताएका छन् ।
शुक्रवार सिंहदरबारमा बसेको पूर्वाधार विकास समितिको बैठक बस्दै उनले यस्तो बताएका हुन् । उनले विकासका नाममा विरोध गरेर मुलुक सधैँ नचल्ने बताए । मौजुदा कानूनको कारणले सधैँ जनताले दुःख पाइरहने अवस्थाको अन्त्य गर्न जरुरी रहेको बताए । कुनैपनि कानूनी अल्झनको आधारमा विकासमा अवरोध हुन नहुने बताए । नियतवश काम नगर्ने ठेकेदारलाई कानूनी प्रावधान देखाएर तत्काल कानूनी दायरामा ल्याउन माग गरे ।
सांसद भण्डारीले भने, ‘विकास कुनैपनि नाममा अवरोध हुनु हुँदैन । यसरी मुलुक सधैँ चल्छ त । मौजुदा कानूनको कारणले सधैँ जनताले दुःख पाइरहनुपर्ने ? कुनैपनि कानूनी अल्झनको आधारमा अवरोधको काम भइरहेको छ । नियतवश काम नगर्ने ठेकेदारलाई कानूनी प्रावधान देखाएर अन द स्पोट कानूनको दायरामा ल्याउने कामन चाहियो । स्थानीय रुपमा हुने अवरोध निषेध हुने अवस्था निर्माण गरौँ ।’
सांसद भण्डारीले विकासका काममा अवरोध गर्ने कार्यकर्तालाई त्यसो गर्न नदिने कानूनी व्यवस्थ गर्नुपर्ने बताए । कानूनी रुपबाट मुलुकलाई सञ्चालन गर्नुपर्ने बताए ।
प्रकाशित मिति: २ श्रावण २०८२, शुक्रबार
