१ श्रावण २०८२, बिहीबार
काठमाडौँ। नेकपा एमाले सांसद इन्दिरादेवी गौतमले कानून बनाउन ढिलाइ गर्न नहुनेमा जोड दिएकी छिन् ।
बिहीवार सिंहदरबारमा बसेको विधायन व्यवस्थापन समितिको बैठकमा जलश्रोत विधेयक, २०८१ माथिको छलफलका क्रममा उनले यस्तो बताएकी हुन् । उनले व्यवस्था परिर्वतनसँगै आवश्यक कानूनहरु परिवर्तन हुन नसक्दा अहिले समस्याहरु देखिरहेको बताइन । उनले कानून निर्माणमा हुने ढिलाइले प्रभावकारी रुपमा राज्य सञ्चालन गर्न समस्या आइरहेको बताइन । कानून नबन्दा तीन तहबीचमा अधिकार बाँडफाँडका सवालमा अन्योलता सिर्जना भएको उनको भनाइ छ । कानूनबाट नै कुन तहको काम के हो भन्नेकुरा स्पष्ट पार्न जरुरी रहेको बताइन । उनले नेपालसँग भएका साधन, श्रोतको उचित उपयोग गर्न पनि आग्रह गरिन ।
उनले भनिन ‘हामी ऐन, कानून बनाउनलाई ढिलो गरिरहेका छौँ । हाम्रो व्यवस्था जब परिवर्तन हुन्छ, हामी अहिले जुन व्यवस्थाअनुसार चलिरहेका छौँ । हामी संघीय शासन प्रणालीमा गइरहेका छौँ भने योसँग मिल्दोजुल्दो कानून नबन्दा तीन तहबीचमा अधिकार बाँडफाँडका सवालमा अन्योलता सिर्जना भएका कुराहरु बारम्बार उठिरहेको छ । कानूनबाटै हामीले कुन तहले कस्तो अधिकार प्रयोग गर्ने भन्नेकुरा स्पष्ट पार्दै जानुपर्छ । नेपालसँग भएको साधन,श्रोत खेर गइरहेको छ । त्यसको सही उपयोग गर्न सक्नुपर्छ ।’
उनले पर्यावरणको क्षेत्रमा संवेदनशील बन्न आग्रह गरिन ।
प्रकाशित मिति: १ श्रावण २०८२, बिहीबार
